ذيكو

# الميلاد و الغطاس

إيبارثينوس

عشان نعرف نسجّل حفظك للألحان، يا ريت تعمل log in لو عندك account ، أو sign up لو ماعندكش

- تسجيل المعلم عماد و شمامسة كنيسة السيدة العذراء بالدقي

  • لغة اللحن: اللحن بيتقال بالقبطي
  • بيتقال امتى؟ يقال بعد السنكسار في قداس عيد الميلاد
  • مين بيقول اللحن؟ خورس الشمامسة
  • مستوى الصعوبة: 2 - متوسط 😉 - مش كل الناس عارفاه، لكن مش صعب يتحفظ (كهزّات و كلام)
  • تأمل على اللحن:
  • في الأول اللحن هادي يخترق النفس و يدخل الواحد في جو الخشوع و التأمل .. كأن السما بتهمس للأرض:
  • " اليوم البتول تلد الفائق الجوهر" هي بشارة الميلاد .. العذراء تلد الله الظاهر في الجسد .. دي البشارة المفرحة اللي إحنا بنحتفل بيها.
  • " والأرض تقرب المغارة لغير المقترب إليه" .. دي أحسن حاجة قدرت الأرض تقدمها لخالقها .. مذود متواضع يتولد فيه
  • بعد كده من أول كلمة (أنجلي) اللحن بيعلى و ينشط و بيدخل بينا جو التسبيح:
  • " الملائكة مع الرعاة يمجدون" : المشهد الأول: تسبحة المجد لله في الأعالي و على الأرض السلام و بالناس المسرة .. تسبحة مشتركة بين السمائيين و الأرضيين .. بشارة السماء لليهود اللي مستنيين المسيح المخلص
  • " والمجوس مع الكوكب فى الطريق سائرون" : المشهد التاني: نجم أشرق في المشارق .. تبعه حكماء الفلك .. الأمم الذين يتوقون إلى الخلاص و هم بعيدين عنه في نظر اليهود .. جه ربنا و عمل نبوات و تممها بالنجم اللي ظهر لهم لأن ده وقت الخلاص للكل .. اليهود و الأمم
  • بعد كده اللحن يعلى تاني (ذي إيماس غار إيجين نيسي) "لان من اجلنا ولد صبيا جديدا" .. من أجلنا و من أجل خلاصنا تجسد الله
  • و في الآخر اللحن بيهدى خالص كأنه بيرجع ورا (أو إيبرو إي أونون ثي أوس) "الإله الذي قبل الدهور" كأنه بيرجع ورا الزمان و يفكرنا إن الطفل المولود ده هو الله الأزلي
  • و بكده بعبقرية اللحن دخّلنا جو الميلاد .. الحدث و الشخصيات اللي فيه

كلّمنا

🤔 إيه رأيك في طريقة عرض و تسجيل اللحن؟ هل سهّل عليك إنك تفهم و تحفظ و تصلّي اللحن؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً