أطاي بارثينوس

اللحن عبارة عن مقدّمة (الربع الأول) و بعد كده 10 أبيات يمثّلوا 10 آيات عن العدرا من مزامير داود

• الرُبع الأول عن مجد أمنا العدرا .. و أكيد اليوم اللي نالت فيه العدرا الكرامة و المجد هو يوم حلول الله الكلمة في أحشائها
• الوتر الأول (مزمور 45 : 9): العدرا الملكة عن يمين الملك (زي ما بنرسمها في الأيقونة شايلة المسيح و على يمينه)
• الوتر التاني (مزمور 45 : 10): العدرا المطيعة اللي تركت كل شيء و قبلت بمنتهى الإيمان دعوة ربنا
• الوتر التالت (مزمور 45 : 13): العدرا المتواضعة البسيطة اللي مجدها كلّه فضائل داخلية
• الوتر الرابع (مزمور 45 : 14): العدرا اللي كل العذارى على مدار الأجيال بتقدي بيها و تتتلمذ عليها
• الوتر الخامس (مزمور 48 : 1): العدرا اللي هي أورشليم السمائية، مسكن الله
• الوتر السادس (مزمور 48 : 13): العدرا الحمامة الحسنة اللي جابت للعالم السلام
• الوتر السابع (مزمور 48 : 15): العدرا الجبل العالي عن هذا العالم و شروره، الدسم المليء بالفضائل
• الوتر التامن (مزمور 87 : 1 و 2): العدرا كنيسة العهد الجديد اللي ربنا أحبّها و فضّلها على العالم كلّه و صارت مسكناً له
• الوتر التاسع (مزمور 87 : 3): العدرا اللي كل الأجيال تطوّبها
• الوتر العاشر (مزمور 132 : 13): العدرا صهيون النقية اللي اختارها الله و سكن في أحشائها